自問是眼淺之人，但總不愛在人前輕易彈淚 事緣數天前，聽到江湖傳聞一個，但我只不了了之，以為是無聊人"吹"出唻既話題 直至明茵姐一席話，方覺事態之嚴重 中史從來是我最愛學科之一，從前是因為幫我拉高成績， 現在是因為冬虹媽為我開啟了中國歷史無邊無際的遼闊領域 今年我先知道，我從前以為既中史世界係幾咁渺小 每日上堂，盡情發問，得到一D 以前中史老師從來唔會俾既答案 以前問問題，只會被批評為無建設，離題，晒時間，搞事......... 只有冬虹媽了解我..... 本以為在她的教導下會考中史可以座C望A或者B，如今一切已經落空 我無信心起新老師領導下，我還可以在無邊無際既中史領域中，真正感受學習既樂趣 見到冬虹媽既對答及表情後，深知不妙，簡單地問了句：「媽咪，你係咪睇唔到我畢業？」 話未說完，淚已不聽話地爬個滿面，本想面帶微笑讓冬虹媽輕鬆答我呢個問題，卻令氣氛弄得這麼彊，是我不爭氣.......... 沒想到冬虹媽比我想象中樂天.，她對我說：「希彤，你為人太倔強了，你記著無論誰人接手，都唔可以因為唔鐘意個個老師而放棄呢一科，你對中史有天分，如果你唔疏懶，你出年打俾我講既一定會係一個好成績！」她好久沒有搭著我肩膀跟我說話了........想不到，再一次這樣親近的告誡我，竟是在這種情況......... 我已不知所言，任性的說了一句：「Miss，我以後上堂唔會再釣魚，我會抄筆記，我會背書，我唔會再打天才波，你會唔會返唻？」我明知呢個問題我唔會得到想要既答案，想唔到既係，呢個時候一直笑著的冬虹媽也紅了眼眶......... 媽咪，我應承你，我做唔到你既學生，但係我會做你既師妹！我一定會俾心機考上中大！我唔會放棄中史科，唔會俾人有講你閒話既機會，如果我中史有好成績，我要話俾人知，我係林冬虹老師教出唻既！我記得媽咪你起我上堂釣魚既時候同我講過：人不能隨性而行，我會記住！我永遠唔會忘記，係你令我愛上中史，係你由細開始湊到我大！如果無你，我唔會有今日既自信！ 冬虹媽，我愛你牙！ | 
